أنا عارف

أنا عارف إنه إنت لغيري
ومصيرنا في الدنيا فراق
كان حبك مش ليا لغيري
كان كذب ملازم أشواق
كل دقيقة ما بينا تعدي
كنت بشوفك فيها ملاك
كل ما شمس الحب تهدي
كنت بحس بليلي هلاك
كنت أسيرك وإنت الحر
دقت معاك بهوايا المر
بس خلاص بقى ندمي أمر
على صدق مشاعري وإخلاصي
ياما قاسيت من ظلم غرورك
واتحملت عذاب ومرار
أتاريك كاين تلعب دورك
دور خاين قاسي وغدار
وأنا من طيبتي وطيبة قلبي
كنت بداري شموعي وحبي
وإنت بليل القسوة مخبي
حقد وكره لصدق ولائي
أنا حبيتك قد حياتي
وعمري وأيامي وسنيني
كان حبك أملي بحياتي
ليه تجرحني وليه تبكيني
بس خسارة الحب ده كله
شمس غرورك خدعت ظله
زيك خاين أيه يفضله
غير نسيان من قلبي الباقي